Lilia Beth Mortiz Flores

Si Lilia Beth Mortiz Flores ay nagtapos ng Doctor of Optometry, nag-practice ng kanyang profession at nakapagturo sa Centro Escolar University. Subalit tinawag siya ng Diyos na sumunod sa “full-time” ministry sa pangunguna ng kanyang asawa na si Rev. Nestor Flores. Sila ang nanguna sa isang mission organization na ang focus ay community transformation sa pamamagitan ng family at child development programs at church planting sa loob ng halos 25 taon. Ngayon ay resource speakers at trainers na rin sila sa Family Development, Community Health Evangelism (CHE) at Integral Mission at nangunguna sa IMPACT (International Ministries of Partners Alliance for Community Transformation). May anim silang anak at dalawang apo.

Si Beth ay kasalukuyang volunteer trainer-facilitator ng Your Money Life (Biblical Financial Study) o Magkwentahan Tayo ng Do Well Crown Ministries Philippines at consultant ng Career Direct (Living by Design). Mayroon din siyang 5-minutong special feature na pinamagatang Magkwentahan Tayo na maririnig sa radio station ng DZMR sa Isabela at DYVS sa Bacolod. Maririnig nyo rin siya bilang co-producer at co-host ng kanyang ama na si Rev. Paul V. Mortiz sa programang Gabay ng 702 DZAS ng Far East Broadcasting Company, Philippines.